Policia spanjolle ka kryer arrestimin e 12 politikanëve dhe zyrtarëve, në Barcelonë përpara një referendumi të diskutueshëm për pavarësinë e Katalonjës, të cilën qeveria federale e ka quajtur të paligjshme.
“Mes të arrestuarve ishte edhe zëvendësministri i Ekonomisë së Katalonjës, Josep Maria Jove”, njoftoi sot media spanjolle, duke cituar policinë paraushtarake “Guardia Civile”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKreu i qeverisë rajonale, Carles Puigdemont, zhvilloi sot një mbledhje urgjente pas bastisjeve dhe arrestimeve.
Edhe pse, gjykata Kushtetuese në Madrid ka ndaluar votimin, Puigdemont është zotuar se do të shkojë përpara me referendumin për pavarësinë e Katalonjës , më 1 tetor.
Javën e kaluar, rreth 1 milion protestues dolën në rrugët e Barcelonës për të mbështetur referendumin.
Kryeministri spanjoll, Mariano Rajoy ka përsëritur në mënyrë të vazhdueshme, se në asnjë rrethanë nuk do të lejonte, që rajoni më i pasur dhe më i rëndësishëm ekonomikisht i Spanjës, të ndahej nga pjesa tjetër e vendit.