Shri Lanka u jep zyrtarëve qeveritarë ditë shtesë pushim për të punuar tokën

Shri Lanka po u jep zyrtarëve qeveritarë një ditë shtesë pushimi në javë për t'i inkurajuar ata të kultivojnë ushqim, mes frikës së mungesës së ushqimit, shkruan BBC.

Vendi ka rreth një milion të punësuar në sektorin publik.

Lëvizja vjen pasi kombi ishull, shtëpia e rreth 22 milionë banorëve, përballet me krizën më të keqe ekonomike në më shumë se 70 vjet.

Shri Lanka është duke luftuar për të paguar për importet kritike si ushqimi, karburanti dhe ilaçet pasi përballet me një mungesë të madhe të valutave të huaja.

Qeveria miratoi një propozim që punonjësve të sektorit publik t'u jepet pushim çdo të premte për tre muajt e ardhshëm.

Vendimi ishte pjesërisht për të ndihmuar punëtorët që po përballen me vështirësi për të shkuar në punë për shkak të mungesës së karburantit, si dhe për t'i inkurajuar ata të kultivojnë fruta dhe perime për të ndihmuar në ushqyerjen e tyre dhe familjeve të tyre.