Së paku një person ka vdekur dhe janë lënduar 37 tjerë pas një shpërthimi masiv në një klub nate në kryeqendrën e Azerbajxhanit, Baku, raporton “Daily Mail”.
Në videot shihen persona të lënduar të shtrirë në rrugë jashtë ndërtesës në Baku. Dyshohet se arsye e shpërthimit është rrjedhja e gazit.
24 prej të lënduarve janë dërguar në spital me djegie, është thënë nga Ministria e Shëndetësisë së Azerbajxhanit.
Sipas Zyrës së Prokurorit të Përgjithshëm të Azerbajxhanit, një rrjedhje gazi shkaktoi shpërthimin.
Ngjarja raportohet se ka ndodhur të dielën rreth orës 3 të mëngjesit.