Një bombë ka shpërthyer në një rrugë të ngarkuar tregu në kryeqytetin afgan, Kabul, të shtunën, duke lënë të lënduar 22 persona dhe duke vrarë dy.
Shpërthimi ndodhi në pjesën e qytetit ku pjesëtarët e komunitetit të myslimanëve shiitë takohen zakonisht.
Pamjet treguan autoambulancat që nxitonin për në vendin e ngjarjes, që është afër stacioneve të autobusëve, raportoi The Guardian.
Ministria e Brendshme tha se ekipi hetues ishte në vend për të ndihmuar me të lënduarit dhe për të marrë të dhënat për viktimat.
Asnjë grup militant nuk e ka marrë përgjegjësinë për sulmin.
Të premten, tetë persona u vranë dhe 18 u lënduar në një shpërthim në Kabul të kryer nga Shteti Islamik, një grup militant mysliman suni.
Artikuj të ngjashëm
-
Të paktën gjashtë të vrarë nga shpërthimi i një minibusi në Kabul
-
Mbi 20 të vrarë në një sulm me bombë afër Ministrisë së Jashtme afgane
-
Shteti Islamik merr përgjegjësinë për sulmin në Kabul
-
Disa të vrarë dhe të plagosur nga shpërthimi në aeroportin ushtarak të Kabulit
-
Shpërthim afër aeroportit ushtarak në Kabul, raportohet për disa të vdekur