Shkon në 99 numri i të zhdukurve nga shembja e ndërtesës në Miami

Ka shkuar në 99 numri i të zhdukurve si pasojë e shembjes së një ndërtese 12-katëshe në Miami të Floridas, në SHBA.

Deri më tani është raportuar për vetëm një të vdekur derisa numri i të zhdukurve i cili fillimisht ishte raportuar se ishte 55, tashmë ka arritur në 99.

Nuk është ende e qartë se sa ishte numri i personave në ndërtesë, në momentin kur ka ndodhur shembja.

Kompleksi banesor ishte ndërtuar në vitin 1980 ndërkohë që në mesin e të zhdukurve ka shumë migrantë latino-amerikan, të cilët janë raportuar si të tillë nga konsullatat e vendeve prej nga vijnë.

Numri i personave të nxjerrë nga gërmadhat deri më tani është 35, dy prej të cilëve janë dërguar për trajtim në spital.