-
Përktheu:
Flutura Gashi-Mehmeti
- 22 gusht 2024 18:44
- Shpërndaje në:
Një shkëmbim i rëndë bombardimesh ka shpërthyer të enjten midis Izraelit dhe Hezbollahut, në fshatrat në të dyja anët e kufirit Izrael-Liban.
Në anën libaneze u panë shtëllunga tymi, ndërsa qyteti Khiam ishte në shënjestër të bombardimeve të rënda izraelite, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHezbollahu u kundërpërgjigj duke bombarduar qytetin kufitar izraelit të Metulas që shtrihet pranë Libanit.
“Në përgjigje të sulmeve të armikut izraelit në fshatrat e qëndrueshme jugore dhe shtëpitë e sigurta, luftëtarët e Rezistencës Islamike shënjestruan të enjten ndërtesat e përdorura nga ushtarët e armikut në vendbanimin Metula, me armët e duhura dhe i goditën ato drejtpërdrejt”, thuhet në një deklaratë të lëshuar nga Hezbollahu.
Izraeli dhe grupi militant libanez kanë shkëmbyer sulme pothuajse ditore për më shumë se 10 muaj në sfondin e luftës së Izraelit kundër Hamasit, një aleat i Hezbollahut.
Shkëmbimet kanë lënë të vdekur më shumë se 500 njerëz në Liban, kryesisht militantë, por gjithashtu duke përfshirë rreth 100 civilë, dhe 23 ushtarë dhe 26 civilë në Izrael.