Shtetet e Bashkuara kanë sanksionuar gjashtë punonjës të lartë të një korporate mediatike shtetërore iraniane.
Departamenti amerikan i Thesarit, tha në një deklaratë më 16 nëntor se të sanksionuarit janë punonjësit e Transmetuesit të Republikës Islamike të Iranit (IRIB).
Thesari tha se IRIB-i ka transmetuar qindra rrëfime të detyruara të të arrestuarve dhe ka prodhuar intervista të njerëzve që janë detyruar të pohojnë se të afërmit e tyre nuk janë vrarë nga autoritetet iraniane, por kanë vdekur për shkaqe aksidentale.
Më 28 tetor, SHBA-ja kishte shtuar sanksionet ndaj Qeverisë iraniane për shtypjen e protestave, të nxitura nga vdekja e 22-vjeçares, Mahsa Amini, e cila ka vdekur sa ka qenë në mbajtje.
Sanksionet, përfshirë bllokada financiare dhe ndëshkime tjera, të vendosur nga Thesari amerikan kishte shënjestruar zyrtarë të lartë iranianë dhe anëtarë të Gardës Revolucionare Islamike të Iranit.
Liderët iranianë kanë akuzuar Shtetet të Bashkuara dhe shtetet tjera perëndimore për nxitje të atyre që i konsiderojnë “trazira”. /REL
-
SHBA-ja shton sanksionet ndaj Qeverisë iraniane
-
SHBA-ja fut në listë të zezë policinë morale të Iranit pas vdekjes së 22-vjeçares në paraburgim
-
Mbi 495 protestues të vrarë në Iran e më shumë se 10 mijë të arrestuar
-
Të paktën 7 të vrarë gjatë protestave masive në Iran
-
SHBA-ja sanksionon subjektet financuese të ushtrisë së Iranit