Ambasada amerikane në Dublin ka këshilluar vizitorët në Irlandë që të shmangin ecjen vetëm dhe të mbajnë “profil të ulët” pas një sulmi ndaj një turisti nga New Yorku.
Alarmi i ambasadës nxiti vizitorët amerikanë “të ushtrojnë praktika të mira personale për siguri” që të jenë të vëmendshëm për atë çka ndodh rreth tyre.
“Shmangni ecjen vetëm, nëse është e mundur, posaçërisht gjatë natës. Mos vishni ose shfaqni stoli të shtrenjta ose ora dhe shmangni mbajtjen me vete të sasisë së madhe të parave. Shmangni vendosjen e pasaportave, parave, telefonave ose gjërave tjera me vlerë në xhepa ose tavolina në vende publike”, ka paralajmëruar ambasada.
Këshilla të tjera përfshijnë: “Shmangni shikimin në telefon derisa ecni në zona publike. Kufizoni përdorimin e dëgjueseve kur jeni në publik. Jeni të kujdesshëm me konsumimin e alkoolit. Mbani profil të ulët”, raportoi Guardian.
Paralajmërimet vijnë pas sulmit që la Stephen Termini, 57 vjeç, me lëndime serioze. Një grup të rinjsh sulmuan amerikanin në Dublin.
-
Policia hedh ujë mbi protestuesit në natën e dytë të dhunës anti-emigracion në Irlandë të Veriut
-
Irlandës i bëhet thirrje të mos luajë kundër Izraelit
-
SHBA-ja do t'u refuzojë vizat aplikantëve që thonë se kanë frikë nga persekutimi në vendin e tyre
-
SHBA-ja paralajmëron qytetarët e saj në Shqipëri se mund të shënjestrohen nga grupe të lidhura me Iranin
-
DASH-i paralajmëron për rreziqe të shtuara sigurie, objektet diplomatike në shënjestër