Administrata Biden ka thënë se po vendosë sanksione të reja mbi disa kompani kineze të bioteknologjisë dhe subjekteve të tjera, për veprimet e tyre në provincën Xinjiang.
SHBA-ja po targeton Akademinë Ushtarake të Shkencave Mjekësore të Kinës dhe 11 institutet e saj të studimit që fokusohen në përdorimin e bioteknologjisë për mbështetjen e ushtrisë kineze.
Në një deklaratë zyrtare është thënë se SHBA-ja nuk mund të lejojë kapacitetet e veta që të shfrytëzohen kundër sigurisë kombëtare të saj, raporton AP.
Departamenti i Thesarit po ashtu po sheh mundësitë që të ndërmarrë veprime kundër subjekteve kineze, ndërsa nuk ka treguar se për çfarë bëhet fjalë.
Artikuj të ngjashëm