Washingtoni ka njoftuar planet për të dërguar forca ushtarake në Arabinë Saudite, në vazhdën e sulmeve kundër infrastrukturës së naftës në këtë shtet.
Sekretari i Mbrojtjes, Mark Esper, tha se dërgimi i ushtarëve në Arabi ka karakter mbrojtës. Numri i përgjithshëm i trupave nuk është vendosur ende.
Kryengritësit e Jemenit, të mbështetur nga Irani, kanë marrë përsipër përgjegjësinë për sulmet kundër dy rafinerive të naftës, javën e kaluar, transmeton KTV. Por SHBA-ja dhe Arabia Saudite të dyja kanë fajësuar Iranin.
Presidenti Trump njoftoi sanksione të nivelit më të lartë kundër Iranit ndërsa sinjalizoi se ai dëshiron të shmangë konfliktin ushtarak.
Artikuj të ngjashëm