Seul, 10 janar – Japonia duhet të mbajë një qëndrim më modest përballë historisë, deklaroi sot presidenti koreano-jugor Moon Jae-in, ndërsa marrëdhëniet midis dy aleatëve të Uashingtonit vijojnë të jenë të ngrira nga mosmarrëveshjet historike dhe territoriale.
Këto grindje janë në thelb një trashëgimi e pushtimit të dhunshëm të Gadishullit Korean nga Japonia, midis periudhës 1910-1945, transmeton ATSH raportimin e AFP-së.
‘’Besoj se qeveria japoneze duhet të shfaqë një qëndrim më të përulur, por politikanët japonezë e politizojnë çështjen’’, shprehu keqardhjen presidenti koreano-jugor gjatë një konference shtypi.
Sipas të dhënave koreano-jugore, rreth 780 000 koreanë vdiqën nga puna e detyruar gjatë pushtimit japonez nga viti 1910 deri në 1945, shifra nuk përfshin grate të regjistruara me force në bordellot e ushtrisë.
Japonia e merr të mirëqenë se çështja e kompensimit që lidhet me luftën u zgjidh nga traktati i vitit 1965 që rivendosi marrëdhëniet diplomatike midis Seulit dhe Tokios dhe parashikonte dëmshpërblime në vlerën e 700 milionë eurove dhe hua preferenciale.
-
Koreja e Jugut do t’i kompensojë viktimat që Japonia i detyroi të punonin gjatë Luftës së Dytë
-
SHBA-ja dhe Koreja e Jugut arrijnë marrëveshje në parim për praninë e trupave amerikanë në vendin aziatik
-
Optimizëm në prag të samitit mes Koresë Jugore dhe Veriore
-
Trumpi u kërkon aleatëve në Azi t’i ndajnë shpenzimet për trupat amerikane në këto vende
-
Presidenti jugkorean, marinës: “Fillimisht veproni, më pas raportoni” nëse provokoheni