Ministri i Mbrojtjes i Serbisë, Aleksandar Vulin, tha të mërkurën se Serbia ka zgjedhur të mbetet vend ushtarakisht neutral dhe se kurrë nuk do të bëhet anëtare e NATO-s, apo e ndonjë aleance tjetër ushtarake.
Vulin i bëri këto komente në një konferencë për siguri që u mbajt në Moskë.
Ai tha se NATO-ja me bombardimet e para 20 vjetëve mbi caqet e ushtrisë serbe “ka bërë përpjekje të vrasë Serbinë, porse ka vrarë të drejtën ndërkombëtare”.
“Serbia, e udhëhequr nga presidenti Aleksandar Vuçiq, është rimëkëmbur por e drejta ndërkombëtare jo. Serbia është ende gjallë, por e drejta ndërkombëtare është ende e vdekur”, tha Vulin, gjatë prezantimit të tij me temën, “Siguria e Ballkanit midis sfidave globale dhe trashëgimisë rajonale”.
Siç raporton Shërbimi i Ballkanit i Radios Evropa e Lirë, Vulin po merr pjesë në “Konferencën e Tetë të Sigurisë Ndërkombëtare”, e cila po i zhvillon punimet në Moskë nga data 24 deri më 26 prill.
Është njoftuar se Vulin do të takohet edhe me ministrin rus të Mbrojtjes, Sergei Shoigu./REL
-
Vulin: Anëtarësimi i Kosovës në NATO paraqet kërcënim për Serbinë
-
Vulin: Është në interes të Serbisë që si vend neutral të ketë marrëdhënie të mira me NATO-n
-
Analisti gjerman: BE-ja dështoi me politikën përkëdhelëse ndaj Vuçiqit, boshti Serbi-Rusi më i fortë se kurrë
-
Stano për takimin e Vulinit me Putinin: Mbajtja e lidhjeve me Rusinë s’përputhet me vlerat e BE-së
-
Vulini e siguron Putinin për “aleancën” e Serbisë, i ankohet për Kosovën