“Sekretet” e udhëheqësve rusë: Jetë oligarkësh e familje të dyfishta

Një sërë sekretesh rreth udhëheqësisë ruse janë vënë në pah nga një gazetare ruse.

Maria Pevchikh publikoi fakte rreth martesave dhe familjeve të dyfishta të kabinetit qeveritar rus, përmes një serie të cicërimave në Twitter, përfshirë presidentin Vladimir Putin, ministrin e Punëve të Jashtme, Sergei Lavrov dhe ministrin e Mbrojtjes, Sergei Shoigu.

Rrëfimin, Pevchikh e nisi me Polina Kovalevan, një 26-vjeçare, që është vajza jobiologjike e Lavrovit apo vajza e gruas së tij të dytë. 

“Polina është një vajzë magjepëse, ruse, nga Londra. Ajo jeton në një apartament të madh në Kensington...Miqtë e Putinit kryesisht kanë nga dy familje në të njëjtën kohë. Vetë Putini, derisa ishte i martuar me Ludmila Putina (1983-2014), kishte edhe një familje me Alina Kabaevan. Ministri i Mbrojtjes, Sergei Shoigu, kishte dy gra, me dy ‘palë’ fëmijësh njëkohësisht. As Lavrov nuk është ndryshe”, shkruan gazetarja Pevchikh tutje.

Ajo theksoi se ministri Lavrov, për 50 vjet, ka pasur dy gra: Maria Lavrovan dhe Svetlana Polyakovan. Kjo e fundit, kurrë nuk është bërë publike, por që në lidhje me zyrtarin rus është që nga viti 2000.

Ndonëse nuk gëzon post e as pagë, Svetlana Polyakova, jeton në kushte luksoze. Posedon banesë të madhe e vetura të tipave të rinj.

Edhe Botë 21 sht 2024 Jeta e vetmuar dhe sekrete e djemve që besohet se janë të Putinit

Polyakova thuhet se e shoqëron ministrin rus në çdo udhëtim zyrtar jashtë vendit. Ajo madje ka përdorur edhe avionin e Ministrisë së Punëve të Jashtme mbi 60 herë.

Polina, vajza jobiologjike e Lavrovit, ka një baba biologjik jo shumë të pasur. Ai, sipas gazetares ruse, nuk është biznesmen, por që 26-vjeçarja, ka në posedim apartament luksoz në Londër, që dikur ishte blerë për rreth 4 milionë funte.

Përshtati: Ermir Bujupaj