Rusia vazhdon sulmet mbi objekte të energjisë, Ukraina mbetet pa rrymë

Sulmet ajrore kanë goditur infrastrukturën kritike në Ukrainën qendrore dhe perëndimore, ndërsa Rusia vazhdon të synojë rrjetin energjetik të vendit.

Vendet në jug dhe perëndim të Kievit janë goditur dhe janë raportuar ndërprerje të energjisë në të gjithë vendin, shkruan BBC-ja.

Zyrtarët ukrainas thonë se shumë raketa lundrimi ruse janë kapur nga sistemet e mbrojtjes ajrore.

Pothuajse një e treta e termocentraleve të vendit janë shkatërruar në një valë sulmesh ajrore që nga e hëna e javës së kaluar.

Të shtunën, zyrtarët ukrainas thanë se "infrastruktura kritike" ishte goditur në rajonin Cherkasy, në juglindje të kryeqytetit Kiev. Një zjarr i madh është raportuar në afërsi të qytetit të Smilës.

Ka pasur ndërprerje edhe në Khmelnytskyi, më në perëndim. Sulmet ajrore dhe ndërprerjet e energjisë janë raportuar gjithashtu nga Odesa në jug deri në Rivne dhe Lutsk në veri-perëndim.

Edhe Botë 14 tet 2026 Zelensky: Sulmet ruse lënë 600 mijë persona pa energji elektrike në Ukrainë

Operatori kombëtar i energjisë elektrike, Ukrenergo, tha se do të kufizonte furnizimin në disa rajone, duke përfshirë Kievin.

Sulmet e së shtunës mund të kenë shkaktuar më shumë dëme sesa bombardimet intensive në fillim të këtij muaji, shtoi operatori.