Rusia sulmon sistemin energjetik, tërhiqet nga ujdia për drithin

Rusia ka lansuar një seri të re sulmesh raketore kundër infrastrukturës bazike në Kiev dhe në qytetet e tjera ukrainase, duke lënë disa pjesë të kryeqytetit pa energji elektrike.

Qeveria e Kievit ka bërë të ditur se raketat ruse kanë qëlluar termocentrale e hidrocentrale me qëllim që të shkaktojë kaos në funksionimin e jetës së përditshme. Rusia më nuk do ta respektojë më marrëveshjen e ndërmjetësuar nga OKB-ja për transportin e drithërave nga Ukraina, ka konfirmuar ministri rus i Mbrojtjes.

Megjithatë, presidenti turk, Rexhep Tajip Erdogan, ka thënë se është i vendosur që marrëveshja të respektohet. Edhe diplomacia turke është pjesë e ndërmjetësimit të ujdisë që do ta zbuste krizën e furnizimit me drithëra, sidomos në mesin e shteteve me varësi të madhe nga eksportet ukrainase.