Ministri rus i Mbrojtjes, Sergei Shoigu, deklaroi të martën, se deri më tani shteti ka arritur t'i mobilizojë 200 mijë trupa, për t'i çuar në frontet e luftës në Ukrainë.
Siç raportojnë mediat e huaja të martën, Shoigu tha se zyrtarët rusë janë udhëzuar për t'iu siguruar veshje dhe pajisje të nevojshme të rekrutuarve.
“Stërvitja e personelit të njësive të formuar po kryhet në 80 terrene stërvitore dhe gjashtë qendra stërvitore”, deklaroi ai.
Presidenti i Rusisë, Vladimir Putin, njoftoi javë më parë se synon t'i rekrutojë 300 mijë persona për luftë.
Ditë më parë është raportuar se dhjetëra qendra rekrutimi janë djegur nga persona të panjohur. Është raportuar edhe për gjendjen e mjerueshme të qendrave ku rusët po përgatiten për luftë.
Artikuj të ngjashëm
-
Rusia ofron para, liron të burgosur dhe josh të huaj për t’i plotësuar trupat e veta në Ukrainë
-
Putini urdhëron rekrutimin më të madh ushtarak në 10 vjetët e fundit
-
Putini flet për bllokimin e kompanive perëndimore, dy ditë para bisedimeve të paqes me Ukrainën
-
Putini urdhëron rekrutimin e 133 mijë trupave të rinj
-
Putini urdhëron rritjen e numrit të trupave ruse