Rusia ka nisur misionin e saj të ri drejt Hënës pas 50 vjetësh, pas misionit të parë. Shteti rus synon të arrijë në polin jugor të Hënës para anijes kozmike të Indisë, e cila veçse është nisur.
Misioni i Luna-25 është fluturimi i parë i Rusisë që prej vitit 1976 kur ishte pjesë e Bashkimit Sovjetik.
Misioni do të realizohet pa ndihmën e Agjencisë Evropiane të Hapësirës, e cila i ka dhënë fund bashkëpunimit me Rusinë për shkak të luftës në Ukrainë.
Anija kozmike e Rusisë pritet të arrijë në Hënë më 23 gusht, pothuajse në të njëjtën ditë kur pritet të arrijë konkurrentja indiane, e cila është nisur më 14 korrik.
Vetëm tri qeveri kanë arritur të ulin anijet kozmike në Hënë: Bashkimi Sovjetik, SHBA-ja dhe Kina. India dhe Rusia synojnë që të jenë të parat që do të arrijnë në polin jugor të Hënës.
Ky pol është në interesin e shkencëtarëve, të cilët besojnë se krateret që janë në errësirë të plotë përmbajnë ujë.
Edhe
India synon të bëjë histori me ulje në pjesën jugore të Hënës
Uji i ngrirë në gurë mund të transformohet në ajër dhe karburant të anijeve kozmike nga eksploruesit e së ardhmes.
