Rusia ka lëshuar raketa në drejtim të Kievit për herë të tretë në pesë ditë, pjesë e një përshkallëzimi të dukshëm të bombardimeve ajrore ndaj qyteteve ukrainase nga forcat e Kremlinit.
Pesë persona u lënduan nga sulmi në kryeqytetin ukrainas, dy prej tyre u dërguan në spital, ka bërë të ditur kryebashkiaku i Kievit, Vitalii Klitschko.
Rusia lëshoi dy raketa balistike në Kiev nga Krimea e pushtuar, por të dyja u kapën mbi qytet, tha Serhii Popko, kreu i administratës ushtarake të qytetit të Kievit. Shpërthime të shumta u dëgjuan në qytet, gjë që po i mban banorët e terrorizuar.
Sulmi erdhi tri ditë pas një sulmi në sallën e koncerteve në Rusi që la të vdekur mbi 130 njerëz.
Presidenti rus, Vladimir Putin u përpoq ta ndërlidhte sulmin me Ukrainën, edhe pse një degë e grupit të Shtetit Islamik mori përgjegjësinë.
Putini mund të përdorë sulmin në Moskë për të mbështetur luftën dhe si një pretekst për të përshkallëzuar sulmet ndaj Ukrainës, thanë analistët.