Kuba përbën një "kërcënim për sigurinë kombëtare" për SHBA-në dhe gjasat për një marrëveshje paqësore "nuk janë të larta", ka thënë Sekretari amerikan i Shtetit, Marco Rubio.
Komentet e tij vijnë vetëm një ditë pasi SHBA akuzoi ish-presidentin e Kubës, Raul Castro, për rrëzimin e dy aeroplanëve në vitin 1996, që rezultoi në vdekjen e shtetasve amerikanë.
Rubio tha se preferenca e Washingtonit ishte "një zgjidhje diplomatike", por paralajmëroi se presidenti Donald Trump kishte të drejtën dhe detyrimin për të mbrojtur vendin e tij nga çdo kërcënim.
Ministri i Jashtëm i Kubës, Bruno Rodriguez, akuzoi Rubion për "gënjeshtra" dhe tha se vendi nuk kishte paraqitur kurrë një kërcënim për SHBA-në.
Rubio gjithashtu akuzoi Kubën se është "një nga sponsorët kryesorë të terrorizmit në të gjithë rajonin", gjë që Rodriguez e mohoi ashpër.
Ministri i jashtëm kuban e kritikoi Rubion për përpjekje për të "nxitur një agresion ushtarak" dhe akuzoi qeverinë amerikane për sulm "të pamëshirshëm dhe sistematik" të vendit të tij.
Edhe
SHBA-ja akuzon për vrasje ish-presidentin e Kubës
Trump ka kërkuar vazhdimisht të ushtrojë presion mbi Kubën dhe ka diskutuar hapur përmbysjen e regjimit të saj komunist.
Akuza e së mërkurës ndaj ish-presidentit kuban shihet nga disa si rikthim i ngjarjes së kapjes së presidentit venezuelas Nicolas Maduro në janar.
