Parlamenti i Iranit e ka miratuar projektligjin që do të rrisë dënimin me burgim dhe gjobat për gratë dhe vajzat që shkelin kodin e rreptë të veshjes, ka raportuar BBC-ja të mërkurën.
Sipas projektligjit, ato që janë të veshura “në mënyrë të papërshtatshme” do të përballen me deri në 10 vjet burgim, ndërsa vendimi pritet të kalojë edhe nga Këshilli i Gardës për t’u shndërruar në ligj.
Masa, që kaloi me 152 vota pro e 34 kundër, vjen një vit pasi shpërthyen protestat pas vdekjes së Mahsa Aminit, vajza që humbi jetën në paraburgim, që u mbajt nga policia e moralit me dyshimin se s’ishte veshur në mënyrë të duhur në publik.
Sipas ligjit iranian, që bazohet në interpretohet në Sheriatin islamik, gratë dhe vajzat mbi moshën e pubertetit duhet t’i mbulojnë flokët me një mbulesë, të njohur si hixhab, të veshin rroba të gjata e të gjera, në mënyrë që t’i fshehin pjesët e trupit.
Aktualisht, ato që s’e respektojnë këtë ligj mund të dënohen me burgim deri në 10 ditë apo në dy muaj si dhe me gjobë.
-
Rrjedhin dokumente top sekrete, Irani kërkon krijimin e “gjykatave të lëvizshme”
-
OKB: Irani po përdor dronë dhe aplikacione për t’i kapur gratë pa hixhabe
-
Irani liron gruan që e arrestoi për zhveshje
-
Irani njofton hapjen e klinikave të trajtimit për gratë që refuzojnë hixhabin
-
Më shumë gra në Iran shihen pa hixhabe që nga vdekja e Mahsa Aminit