Çmimet e grurit janë rritur ndjeshëm në tregjet globale pasi Rusia ka thënë se do t'i trajtonte anijet që shkojnë drejt porteve të Ukrainës si objektiva të mundshëm ushtarakë.
Moska u tërhoq nga një marrëveshje e Kombeve të Bashkuara që siguronte kalim të sigurt për dërgesat e grurit që kalonin nëpër Detin e Zi.
Për tri netët e fundit Rusia ka bombarduar fabrikat e grurit në Odesa dhe qytete të tjera.
Moska po ashtu ka paralajmëruar se nga e enjtja çdo anije që shkon atje do të shihet si mbështetëse e “regjimit të Kievit”.
Zëdhënësi i Shtëpisë së Bardhë, Adam Hodge, ka sugjeruar se Rusia po planifikonte të godiste anijet civile dhe ta fajësonte Ukrainën, raportoi BBC.
Edhe
Rusia intensifikon sulmet mbi Ukrainë, gjashtë të vdekur
Në një paralajmërim të njëjtë me Rusinë, Ukraina ka thënë se anijet që drejtohen nga Rusia ose portet e pushtuara në Detin e Zi mund të shihen si ushtarake.
Çmimet e grurit në tregun evropian u rritën me 8.2%, në 253.75 euro për ton.
