Gjashtë persona kanë vdekur dhe të paktën shtatë të tjerë janë lënduar si pasojë e rrëzimit të një helikopteri në Siberi të Rusisë, kanë njoftuar të enjten zyrtarët rusë të shërbimit të emergjencës.
Helikopteri i tipit Mi-8 është kapluar nga flakët në Republikën Altai në Siberinë Jugore teksa po aterronte dhe është përplasur në një shtyllë elektrike, ka njoftuar Ministria ruse e Emergjencave në Altai.
Sipas njoftimit të Ministrisë, në bordin e helikopterit ndodheshin 13 pasagjerë dhe tre pjesëtarë të ekuipazhit.
Por numri i personave që ndodheshin në bord nuk dihet saktë, pasi që agjencia ruse e lajmeve “RIA Novosti”, e thirrur në deklarimet nga rregullatori i aviacionit civil në Rosaviatsia, raportoi se ishin 12 pasagjerë e tre pjesëtarë të ekuipazhit.
“RIA Novosti” raportoi, po ashtu, se helikopteri ishte në pronësi të një kompanie private dhe se po bartte një grup turistësh.
