Rreth 80 milionë foshnje nuk kanë marrë vaksinat kundër sëmundjeve, përfshirë difterinë, linë dhe poliomielitin, si rezultat i pengesave në sistemet shëndetësore të shkaktuara nga pandemia e koronavirusit, ka njoftuar Organizata Botërore e Shëndetësisë.
Sipas të dhënave të OBSH-së dhe partnerëve të vet, sigurimi i imunizimit për fëmijët nën një vjeç është penguar në së paku 68 shtete, duke shkaktuar pengesa që s’janë parë në programet e vaksimit që nga vitet e ’70-a.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMë shumë se gjysma e 129 shteteve, nga ku u morën të dhënat, raportuan pengesa nga shkalla e moderuar në të rëndë, ose pengesë totale në shërbimet e vaksinimit gjatë periudhës mars-prill 2020, ka thënë OBSH-ja në një njoftim të premten.
Drejtori i Përgjithshëm i OBSH-së, Tedros Adhanom Ghebreyesus, ka thënë se “imunizimi është një nga parandalimet më të fuqishme dhe fondamentale në histori të shëndetit publik”.
“Pengimi i programeve të imunizimit nga pandemia COVID-19 kërcënon prishjen e progresit me dekada me vaksinat parandaluese kundër sëmundjeve”, ka thënë ai.