Rohani kritikon projektet e Turqisë për digat

Presidenti iranian, Hassan Rohani, ka kritikuar Turqinë për projektet e digave në lumenjtë Tigër dhe Eufrat.

Rohani ka kërkuar që Turqia të ndalojë punimet për të dy digat, pasi sipas tij ato janë “të rrezikshme” për gjithë Lindjen e Mesme.

Rohani i ka bërë këto komente gjatë një konference në Teheran.

Ai nuk e ka përmendur në mënyrë specifike emrin e Turqisë mirëpo ka thënë disa herë se planet për digat në dy lumenjtë masiv që rrjedhin në Siri dhe Irak do të kenë “pasoja shkatërruese”, duke përfshirë Iranin.

Kritikët kanë thënë se vendimi i Turqisë ka ndikuar në pakësimin e ujit në Siri dhe Irak, duke kontribuar në destabilitet rajonal.

Kurdët në Siri, e kanë akuzuar Turqinë gjatë muajit shkurt për ndalimin e furnizimit me ujë, si formë të presionit politik.