Erdogani e paralajmëron për herë të fundit Sirinë

Presidenti turk, Recep Tayyip Erdogan, e ka paralajmëruar për herë të fundit Sirinë për shkak të rrezikimit të kufijve të Turqisë, duke bërë të ditur se Ankaraja është e vendosur që të përqendrojë vëmendjen e saj kundër luftëtarëve kurdë të Sirisë në lindje të Eufratit, raporton Reuters.

Erdogani, i cili po fliste para një grupi liderësh të krahinave të partisë së tij në pushtet, AK, ka thënë se Turqia do ta fokusojë vëmendjen në lindje të Eufratit në Siri e jo në rajonin Mambij, duke cituar praninë e milicisë kurde siriane, YPG.

Këtë grup kryengritës të kurdëve në Siri e ka quajtur organizatë terroriste.