Rezoluta e SHBA-së në Këshillin e Sigurimit të OKB-së për Gazën, mund të hidhet në votim këtë jacë, ka thënë për CNN një diplomat i afërt me çështjen.
Rezoluta, në të cilën SHBA-ja ka qenë duke punuar për javë, thërret për “armëpushim të menjëhershëm dhe të qëndrueshëm, e po ashtu lirimin e të gjitha pengjeve izraelite”.
Diplomati ka thënë se po punohet që të bëhet i mundur kalimi i rezolutës, ndonëse Rusia ka kërcënuar më parë me veto.
Rezoluta e SHBA-së vjen pasi ajo vetë i bllokoi shumë rezoluta të mëparshme që bënin thirrje për armëpushim të menjëhershëm në Gaza.
Sekretari amerikan i Shtetit, Antony Blinken, ka thënë të mërkurën se shpreson shumë që shtetet do ta mbështesin rezolutën amerikane.
Edhe
SHBA-ja për herë të gjashtë përdor veton kundër rezolutës së OKB-së për armëpushim në Gaza
“Mendoj se ajo do të përçonte një mesazh të fortë, një sinjal të fortë”, ka thënë Blinken.
Ai ka shtuar se SHBA-ja qëndron me Izraelin dhe të drejtat e tij që ta mbrojë vetën, për t’u siguruar që ajo që ka ndodhur më 7 tetor të mos përsëritet kurrë dhe që civilët të mos preken.
-
OKB-ja pritet të votojë për rezolutën që bën thirrje për armëpushim në Gazë
-
Këshilli i Sigurimit pritet të votojë për rezolutën për armëpushim në Gazë
-
SHBA-ja zbulon projekt-rezolutën e OKB-së që kërkon armëpushim të menjëhershëm në Gaza
-
SHBA-ja propozon që OKB-ja të autorizojë një forcë stabilizuese në Gazë për 2 vjet