Ushtria e Kongos ka thënë se rebelët në lindje të vendit kanë rrëzuar një helikopter të Kombeve të Bashkuara me tetë paqeruajtës dhe vëzhgues të OKB-së, raportoi AP.
Helikopteri i qëlluar të hënën ishte ndër dy helikopterët që gjurmonin për misionin e OKB-së në Kongo, sipas një deklarate nga ushtria e Kongos të martën. Ata në helikopter po vlerësonin lëvizjet e komuniteteve që ishin sulmuar nga një grup rebel për të koordinuar ndihmën humanitare.
Grupi rebel M23 sulmoi të hënën disa fshatra duke përfshirë Tchanzu, Runyonyi, Ndiza dhe Tchengerero, sipas deklaratës.
Forcat e Kongos dhe KB-ja po kërkojnë për helikopterin dhe të mbijetuarit e mundshëm, tha ushtria.
Tetë personat në bordin e helikopterit Puma përfshinin gjashtë anëtarë të ekipit - të gjithë nga ushtria pakistaneze - dhe dy personel ushtarak, një nga Federata Ruse dhe një nga Serbia, u tha gazetarëve në New York zëdhënësi i KB-së, Stephane Dujarric.
Ai konfirmoi se helikopteri ishte aty për të monitoruar situatën ku kishte luftime.
-
10 të vdekur nga protestat anti-OKB në DR Kongo
-
Ushtria ukrainase rrëzon një helikopter modern rus
-
Të paktën 66 të vdekur nga rrëzimi i avionit ushtarak në jug të Kolumbisë
-
40 vende dënojnë fuqishëm sulmet ndaj paqeruajtësve të OKB-së në Liban
-
Shkarkohen nëntë anëtarë të stafit të OKB-së, dyshohen për përfshirje në sulmin e 7 tetorit