Banorët e Beogradit shprehën tronditjen e tyre të enjten një ditë pasi një 13-vjeçar hapi zjarr në shkollën e tij në kryeqytetin serb, duke vrarë tetë nxënës dhe një roje përpara se të arrestohej.
"Jam shumë e tronditur për shkak të asaj që ndodhi dje. Unë jam nënë e dy fëmijëve të mitur të shkollës. Është e pabesueshme ajo që ndodhi, në njëfarë mënyre gjithçka që shohim në filmat amerikanë, në ditët e sotme po ndodh këtu", ka thënë Tamara Jokanoviq, qytetare e Beogradit.
Të shtënat masive janë jashtëzakonisht të rralla në rajonin e Ballkanit, megjithëse Serbia është e mbushur me armë të mbetura nga luftërat e viteve 1990.
Në vitin 2019, u vlerësua se ka 39.1 armë zjarri për 100 njerëz në Serbi – shifra e tretë më e larta në botë, pas SHBA-së dhe Malit të Zi.
"Sinqerisht, nuk jam i befasuar. Për mendimin tim, ishte çështje ditësh kur do të ndodhte diçka e tillë, duke pasur parasysh atë që po ndodh në botë dhe këtu. Nuk jam aspak i befasuar", është shprehur qytetari tjetër beogradas, Jovan Lazoviq.
Vitet e fundit nuk janë raportuar të shtëna masive në shkollat serbe.
Mbrapa në vitin 2013, Lubisha Bogdanoviq vrau 14 persona në fshatin qendror Velika Ivanka dhe Nikola Radosavljeviq vrau nëntë dhe plagosi pesë në fshatin lindor të Jabukovacit në korrik të 2007-s.
