Turistët ndërkombëtarë dhe udhëtarët e biznesit kanë arritur në Australi të hënën pas zbutjes së theksuar të masave kundër pandemisë.
Është hera e parë pas pothuajse dy vjetësh që Qeveria australiane hap dyert e vendit për të huajt pas heqjes së kufizimeve më të ashpra për mbrojtje nga koronavirusi. Asnjë demokraci tjetër në botë nuk kishte zbatuar politika të ngjashme për kohë kaq të gjatë. Zyrtarët e turizmit australian presin numër të theksuar turistësh me shpresë se do të kthehen nivelet para shpërthimit të pandemisë.
“Qantas: ka sjellë pasagjerë nga tetë destinacione tejoqeanore, përfshirë Vankuverin, Singaporin, Londrën dhe Delhin. Kryeministri Scott Morrison ka thënë se 1.2 milion njerëz kanë viza për të hyrë në Australi me 56 fluturime ndërkombëtare që pritet të aterrojnë brenda 24 orëve të para pas rihapjes së kufijve.
Morrison ka thënë se është mahnitëse që Australia ia ka dalë të rihapet pas një periudhe goxha të gjatë vështirësish shkaku i COVID-19. Udhëtarëve të huaj u lejohej të hynin vetëm nëse u aprovohej kërkesa për përjashtim nga respektimi i masave.
-
Pas dy vjetësh me kufij të mbyllur, Australia rihapet për udhëtarët përsëri
-
Përqafime e lot gëzimi në aeroporte, Australia heq kufizimet për udhëtime ndërkombëtare
-
Kufiri australian do të rihapet për herë të parë në pandemi
-
Australia merr vendim për rivendosjen e masave anti-COVID
-
Kina rihap kufijtë për turistët e huaj