Vetëm katër fëmijë dihet se jetojnë ende në Avdiivka, një nga qytetet e vijës së parë të sulmeve më të rënda në Ukrainën lindore, ka thënë një zyrtar lokal.
Vitali Barabash ka thënë se autoritetet e dinë vendndodhjen e dy prej katër fëmijëve – një vajze nëntë vjeçare dhe vëllai i saj dy vjeçar – dhe tha se kishin planifikuar një evakuim të detyruar të tyre javën e ardhshme.
Barabash, kreu i administratës ushtarake të Avdiivkas, është shprehur se ka vështirësi të bindnin disa familje të largoheshin nga shtëpitë e tyre, madje edhe ato në vendet ku shiheshin luftimet më të ashpra, raportoi CNN.
"Ne nuk mund t'i evakuojmë me forcë të rriturit, kështu që duhet të mbështetemi në përgjegjësinë e tyre dhe instinktin e tyre për mbijetesë".
35 persona janë transferuar në siguri gjatë javës së kaluar, duke bërë një total prej më shumë se 300 në muajin e fundit, tha ai.
Edhe
Ukraina insiston se po e mbron qytetin e Avdiivkas
“Ne presim rastin për të nxjerrë fëmijët jashtë sepse ka shumë granatime në qytet, sulme me raketa. Ne nuk do t'i vëmë fëmijët në rrezik", tha Barabash.
Avdiivka është afër qytetit të rrethuar të Bakhmutit në Ukrainën lindore dhe gjithashtu është nën sulm të vazhdueshëm nga forcat ruse.
