Qeveria italiane kufizon të drejtën e të qenët prind për çiftet homoseksuale

Aktivistët e të drejtave të homoseksualëve akuzuan si homofobike lëvizjen nga qeveria e kryesuar nga e djathta ekstreme e kryeministres italiane Giorgia Meloni për të kufizuar njohjen e të drejtave prindërore te prindi biologjik vetëm në rastin e prindërve të të njëjtës gjini.

Milanos i është thënë që të ndalojë zyrtarisht regjistrimin e dy prindërve me të njëjtën gjini në regjistrat e qytetit. Ishte qyteti i fundit i madh që vazhdonte praktikën që kur gjykata më e lartë e Italisë më 2016 e pati bërë më të lehtë që homoseksualët të adoptonin fëmijën biologjik të partnerit, raportoi AP.

Aktivistja Alessia Crocini ka thënë se lëvizja e qeverisë duke detyruar Milanon që ta ndalojë regjistrimin e dy prindërve të të njëjtës gjini, ekspozon homofobinë që ka qeveria.

Krerët e qyteteve të tjera tashmë e kanë ndaluar praktikën pasi ndryshuan erërat politike.