Protestë pro-palestineze në Napoli të Italisë

Dhjetëra protestues anti-NATO dhe pro-palestinezë janë përleshur me policinë italiane në Napoli të hënën, përpara fillimit të një koncerti për nder të 75-vjetorit të themelimit të aleancës.

Protestuesit u përpoqën të shpërbënin kordonin e sigurisë që rrethonte teatrin e operës “San Carlo”, ku po zhvillohej koncerti, raporton agjencia e lajmeve “Associated Press”.

Policia reagoi ndaj protestuesve duke përdorur mjete të forta ku u lënduan tetë demonstrues.

Protestuesit mbanin në duar pankarta me mbishkrimet “Stop gjenocidit palestinez” dhe “Jo NATO”.

Demonstrata të tjera pro-palestineze priten të mbahen të martën në qytete të ndryshme italiane për të bojkotuar marrëveshjet dypalëshe të shkëmbimit të studentëve midis universiteteve italiane dhe izraelite.