Protesta masive kundër Orbanit në Hungari

Mijëra hungarezë të premten protestuan në Budapest në tubimin më të madh kundër qeverisë së kryeministrit Viktor Orban në vitet e fundit. Protestat u nxitën nga një skandal që përfshinte faljen e një burri të dënuar për abuzim seksual.

Orban, i cili ka qenë në pushtet që nga viti 2010, është përpjekur të minimizojë skandalin që rrëzoi dy nga aleatët e tij kryesorë politikë, presidenten Katalin Novak dhe ish-ministren e Drejtësisë, Judit Varga.

Ndërsa trazirat nuk përbëjnë kërcënim të menjëhershëm për pushtetin e Orbanit, pasi zgjedhjet më 2026 janë ende shumë larg, lëvizja vjen përpara zgjedhjeve të Parlamentit Evropian në qershor, ku partia e tij shpreson të përfitojë nga rritja e mbështetjes së ekstremit të djathtë në të gjithë Evropën.

Zbulimi që një burrë i dënuar për abuzim seksual u fal shkaktoi protestë publike dhe nëntë influencues, përfshirë këngëtarin jashtëzakonisht të njohur Azahriah, bënë thirrje për protestë në “Sheshin e Heronjve” në Budapest.

Motivet pas faljes së burrit që ndihmoi në fshehjen e abuzimit seksual në një shtëpi fëmijësh, që çoi në dorëheqjen e presidentes, mbeten të paqarta.

Edhe Botë 4 d. më parë Prokuroria hungareze bastis zyrën e partisë së Orbanit

Nga qeveria e Orbanit ka thënë se me dorëheqjen e Novakut dhe Vargas e kanë konsideruar si çështje të mbyllur.