Të apasionuarit pas alienëve kanë bërë thirrje që ministrat t’i bëjnë publike gjetjet e Dukës së ndjerë të Edinburgut për UFO-t, pas vdekjes së gruas së tij, Mbretëreshës Elizabeth.
Princi Philip, i cili vdiq në moshën 99-vjeçare në vitin 2021, thuhet se kaloi pjesën më të madhe të jetës së tij duke hetuar jashtëtokësorët, por çështja u mbajt e heshtur, pasi do të kishte "shkaktuar një sensacion", raportoi People të enjten.
Ish-zyrtari i Ministrisë së Mbrojtjes, Nick Pope, i cili drejtoi kërkimet e qeverisë së Mbretërisë së Bashkuar për UFO-t gjatë viteve 1990, pohoi se Filipi - i cili ishte bashkëshorti i Mbretëreshës Elizabeth II, e cila vdiq në shtator në moshën 96-vjeçare, "i përcolli zhvillimet, ishte abonuar në revista për UFO dhe intervistoi shumë dëshmitarë lidhur me ta”.
Duke folur për History TV në Amerikë, Pope tha se kjo është një çështje shumë e ndjeshme.
"Keni bashkëshortin e Mbretëreshës që po heton UFO-t. Po të merrej lajmi do të kishte shkaktuar një sensacion”, është shprehur ai.
-
Trumpi urdhëron Pentagonin t’i publikojë dokumentet për UFO-t
-
Princi William dhe Kate Middleton “thellësisht të shqetësuar” nga zbulimet e Epstein
-
Clintonët kërkojnë që dëshmia e tyre për Epsteinin të jetë publike
-
Kate dhe William “thellësisht të prekur” nga mbështetja e publikut
-
I jepet fund dilemës 64-vjeçare në SHBA, Pentagoni mohon se kishte UFO