Idetë e podcastit të Princit Harry përfshinin intervistimin e Donald Trump dhe Vladimir Putin për fëmijërinë e tyre dhe debatin e fesë me Papa Françeskun.
Tabloidi “Femalefirst” ka shkruar se Princi Harry donte të intervistonte Vladimir Putin dhe Donald Trump për fëmijërinë e tyre për një podcast.
U zbulua javën e kaluar se marrëveshja prej 20 milionë dollarësh e Dukës dhe Dukeshës së Sussex me Spotify kishte përfunduar, me serinë 'Archetypes' të ish-aktores Meghan, e vetmja përmbajtje që ata prodhuan për shërbimin “streaming”. Tani është raportuar se Harry doli me ide të ndryshme për shfaqjet e tij, por asnjë nuk u realizua.
Burimet i thanë Bloomberg se Harry foli me producentë të shumtë dhe shtëpi të produksionit rreth ideve të tij, duke përfshirë njërën rreth traumave të fëmijërisë që do të shihnin princin të intervistonte një varg të ftuarish, duke përfshirë presidentin rus, ish-presidentin amerikan Donald Trumpi dhe themeluesin e Facebook Mark Zuckerberg, rreth viteve të tyre të hershme dhe se si ato vite i modeluan ata në të rriturit që janë sot.
Sipas burimeve, princi sugjeroi gjithashtu intervista të përqendruara në atësinë, dhe një tjetër që do të kishte shikuar në biseda të ndryshme të mëdha shoqërore në çdo episod, dhe ai shpresonte të ftonte Papa Françeskun në podcast për të diskutuar mbi fenë.
Pasi duka dhe dukesha kishin ndarë rrugë me Spotify, kreu i përmbajtjes sportive ndërkombëtare të kompanisë, Bill Simmons, e cilësoi çiftin " shumë të shoqëruar" gjatë transmetimit të emisioni të tij.
Edhe
Princi Harry dhe Dukesha Meghan humbin gjyqin për të drejtën autoriale
"Duhet të dehem një natë dhe të tregoj për bisedën e Zoomit që kisha me Harryn për të provuar dhe ndihmuar atë me një ide podcasti. Është një nga ndodhitë e mia më të mira. Do të doja të isha përfshirë në negocimin rreth largimit të Meghan dhe Harry nga Spotify. Ky është një podcast që duhet ta kishim nisur me ta", ka thënë Simons.
Në një deklaratë, Spotify dhe Archewell thanë se "ranë dakord reciprokisht për të ndarë rrugët dhe janë krenarë për serinë që bëmë së bashku".
