Një radio prezantues në Filipine është qëlluar për vdekje gjatë transmetimit direkt, raporton BBC.
Juan Jumalon, i njohur si DJ Johnny Walker, u qëllua brenda studios, të cilën e kishte në shtëpi, ka njoftuar Policia.
Presidenti i Filipineve, Ferdinand Romualdez Marcos Jr. ka dënuar fuqishëm vrasjen e gazetarit të radios.
Katër gazetarë janë vrarë që kur Marcos Jr. mori mandatin në qershor të vitit 2022, ka thënë Asociacioni i Gazetarëve të Filipineve.
“Sulmi është edhe më i dënueshëm pasi ndodhi brenda shtëpisë së Jumalonit, që shërbente edhe si radio stacion”, ka thënë Asociacioni.
Edhe
Influenceri meksikan vritet gjatë transmetimit live
Jumalon po transmetonte direkt në Facebook rreth orës 5:30 me kohë lokale, kur një person u fut brenda dhe e qëlloi.
Sipas burimeve nga policia, i dyshuari kërkoi të futej te vendi ku po transmetonte Jumalon, duke thënë se “ka diçka të rëndësishme për të thënë”.
Policia ka njoftuar se ka siguruar xhirimet e ngjarjes.
Bashkëshortja e dërgoi DJ në spital, por ai nuk i mbijetoi plagëve.
Edhe
Të shtëna në senatin e Filipineve teksa arrestohet një senator
Policia ka thënë se nuk ka pasur ndonjë raportim të mëhershëm për kërcënime me jetë ndaj Jumalonit.
Presidenti i Filipineve ka bërë thirrje që të hetohet plotësisht rasti dhe fajtorët të sillen para drejtësisë.
