Presidenti i Meksikës, Andres Manuel Lopez Obrador, ka rezultuar për herë të dytë pozitiv me COVID-19, raporton agjencia AP.
Ai të martën duke folur në mënyrë virtuale nga shtëpia, u ka thënë gazetarëve se ka dhembje fyti.
Obrador ka qenë i infektuar edhe më herët me koronavirus. Po ashtu është vaksinuar plotësisht, madje ka marrë edhe dozë përforcuese.
Obrador ka thënë se virusi është duke u larguar dhe së shpejti gjërat do të kthehen në normalitet.
“Fatmirësisht ky variant (Omicron) nuk e ka shkallën e rrezikshmërisë që kishte Delta”, tha Obrador.
