Policia në Suedinë jugore ka bërë thirrje që civilët të ndalohen të veshin jelekë antiplumb sepse shkaktojnë frikë në komunitete.
Policia është e shqetësuar pasi një numër në rritje i fëmijëve dhe të rinjve, përfshirë ata nën 15 vjeç, po veshin jelekë antiplumb kur po dalin në qytet, ndërsa krimi i bandave vazhdon ta tërheqë brezin e ri në Suedi.
Patrik Andersson, shefi i inteligjencës për policinë në qarkun jugor Skane, i cili përfshin qytetin e Malmos, ka kërkuar që të ndalohet shitja e jelekëve antiplumb për qytetarët.
“Kujt i duhen jelekët antiplumb? Rojet e sigurisë dhe policia kanë nevojë për to pasi e bëjnë punën e rrezikshme. Ne nuk besojmë se kriminelët duhet t'i veshin ato. Është përhapur në të gjithë Suedinë”, ka thënë ai.
“Jelekët antiplumb nuk i përkasin shoqërisë suedeze. Ata nuk i përkasin asnjë shteti, përveç nëse janë në një situatë lufte”, ka shtuar ai.
Edhe
Suedia drejt kufizimit të rrjeteve sociale për fëmijët nën 15 vjeç
Veshja e jelekëve antiplumb, sipas policisë suedeze, ka rritur vrasjet me të shtëna në kokë.
Siç thotë Andersson, veshja e jelekëve antiplumb, që kushtojnë rreth 750 euro, është bërë simbol për të nënkuptuar se janë pjesë e një bande. Ka kërkuar që t’i jepen policisë kompetenca për t’i konfiskuar.
-
Klubi i Bersant Celinës goditet nga një rrjet kriminal
-
Qarkullimi i rrobave të dorës së dytë shihet si mundësi për mbrojtjen e mjedisit
-
Suedia planifikon uljen e moshës së përgjegjësisë penale në 13 vjeç për krime të rënda
-
Shtetet evropiane kundër burkës në publik: “T’i ndalojmë sa e kemi ende të mundur”