Një polic britanik u deklarua fajtor për vrasjen e një gruaje 33-vjeçare e cila u rrëmbye ndërsa po shkonte në shtëpi në këmbë nga shtëpia e një miku në jug të Londrës.
Wayne Couzens më parë pranoi se e kishte rrëmbyer dhe përdhunuar Sarah Everardin, e cila u zhduk më 3 Mars. Couzens pranoi fajësinë për vrasje gjatë një seance në Gjykatën Qendrore Penale të Londrës, duke u paraqitur me video lidhje nga burgu i sigurisë së lartë Belmarsh.
Një hetim i madh policor filloi pas zhdukjes së Everhard. Trupi i saj u gjet një javë më vonë në pyje më shumë se 50 milje në juglindje të Londrës, raporton AP.
Kërkimi për Everardon dhe lajmi për vrasjen e saj shkaktoi protestë mbarëkombëtare, me gratë që ndanin përvojat e kërcënimit, sulmit ose thjesht duke u përballur me frikën e përditshme të dhunës kur ecnin vetëm.
Couzens, 48-vjeç, iu bashkua forcave policore të Londrës më 2018 dhe kishte shërbyer së fundmi në komandën parlamentare dhe të mbrojtjes diplomatike, një njësi e armatosur përgjegjëse për ruajtjen e ambasadave në kryeqytet dhe Parlament.
Prokurori Tom Little tha se Couzens rrëmbeu Everardin, një i panjohur plotësisht, me një makinë me qira. Trupi i saj u gjet në pyjet afër një pjese të tokës në pronësi të Couzens. Pavarësisht pranimit të fajit të tij, prokurorët thanë se Couzens nuk ka zbuluar se ku e përdhunoi dhe vrau Everardin.
Edhe
Shefi i policisë britanike jep dorëheqje pas komenteve për sjelljen e grave në rrugë
"Ne ende nuk e dimë se çfarë e shtyu atë të kryente këtë krim të tmerrshëm kundër një të panjohuri," tha Carolyn Oakley nha prokuroria. “Sot nuk është dita për të dëgjuar faktet për atë që i ndodhi Sarës. Sot është një ditë për të kujtuar Sarën, dhe mendimet tona mbeten me familjen dhe miqtë e saj”.
Couzens pritet të dënohet gjatë një seance dy-ditore që fillon më 29 shtator.
