Presidenti rus, Vladimir Putin, ka inauguruar të hënën dy centrale të reja energjetike në Krime, pasi udhëtoi në gadishullin e Detit të Zi për ta festuar pesëvjetorin e aneksimit të rajonit nga Ukraina.
Centralet, në qytetet Sevastopol dhe Simferopol, ishin hapur pjesërisht gjatë vitit të kaluar, por inaugurimi i së hënës shënon momentin e funksionalizimit të tyre me kapacitete të plota, ka raportuar “Reuters”, transmeton “Koha Ditore”.
Këto dy centrale kanë qenë në epiqendër të një skandali ndërkombëtar, pasi kompania gjermane e inxhinierisë “Siemens” bëri të ditur se turbinat e saja energjetike janë instaluar në to pa dijeninë e grupit dhe përmes shkeljes së sanksioneve të Bashkimit Evropian. Një pretendim të tillë ndërkaq Rusia e hodhi poshtë.
Putini, i cili ka derdhur me miliarda dollarë të taksapaguesve rusë qysh prej aneksimit të Krimesë më 2014, ka marrë pjesë në inaugurimin e centralit në Sevastopol dhe ka mbikëqyrur funksionalizimin e asaj në Simferopol përmes një videokonference.
-
Ukraina godet një urë hekurudhore në Krime, në përpjekje për të izoluar gadishullin
-
Putini viziton Kurskun, për herë të parë që kur Moska pretendoi se e ka rimarrë
-
Sulm masiv rus ndaj rrjetit energjetik në Ukrainë
-
Rusia pretendon se Ukraina ka sulmuar me raketa Krimenë
-
Putini viziton territorin ukrainas për herë të parë që nga fillimi i luftës