Britaninë e Madhe e kanë qeverisur tre kryeministra brenda më pak se dy muajsh sivjet. Pas dorëheqjes së Boris Johnsonit të përfshirë në skandale ndejash në kohë izolimi pandemik dhe dorëheqjes së Liz Trussit për shkak se politika e saj e uljes së taksave shkaktoi kaos në tregjet e fuqishme financiare, 0.3 për qind e votuesve të Britanisë nga radhët e Partisë Konservatore e mbështetën Rishi Sunakun.
Lideri me prejardhje nga India, bëhet kryeministri i parë britanik që ka rrënjë aziatike. Sunaku ka përqafuar trashëgiminë e hinduse dhe njerëzit në të gjithë ish-koloninë britanike festuan me krenari fitoren e tij. Mediat sociale dhe kanalet televizive në Indi ishin të mbushura me urime për 42-vjeçarin Sunak, i cili do të bëhet personi i parë me ngjyrë që do të udhëheqë Britaninë.
Ish-shefi i Thesarit u zgjodh nga një parti qeverisëse Konservatore e dëshpëruar për një palë duar të sigurta për të udhëhequr vendin përmes turbulencave ekonomike dhe politike. Gjyshërit e Sunakut migruan në shtetin ishullor nga shteti Punjab përpara se nënkontinenti të ndahej në dy vende – Indi dhe Pakistan – pas përfundimit të sundimit britanik në 1947.
