Thellohet bilanci i viktimave të trenit të përplasur në Indi. Deri tani 24 persona kanë vdekur dhe 156 të tjerë janë plagosur.
Ngjarja ka ndodhur në Muzaffarnagar në shtetin e Uttar Pradesh, 80 milje nga Nju Delhi, mbrëmjen e së shtunës, transmeton oranews. Treni po ecte me 100 km/h dhe vagonat u mbivendosën njëri mbi tjetrin, duke u përplasur me disa shtëpi aty pranë dhe një kolegj.
Ekipi i shpëtimit po punon për të mbijetuar të tjerë nga aksidenti i tmerrshëm.
“Ne po kontrollojmë të gjithë vagonët për të gjetur çdo të mbijetuar ose trupat e personave të tjerë të vdekur,”-tha Anant Dev, shefi i policisë së qarkut Muzaffarnagar për AFP.
Një trumë e madhe njerëzish janë mbledhur për të ndihmuar të mbijetuarit që të dalin nga rrënojat e trenit dhe disa prej tyre janë dërguar në spital në gjendje të rëndë. Qeveria ka urdhëruar që të hetohet aksidenti por deri tani nuk ka dyshime për sulm terrorist.