Përpjekja e fundit e klerikut abuzues të Vatikanit për ta ulur dënimin

Kardinali George Pell, ka filluar përpjekjen përfundimtare për të ulur dënimet e tij në Australi për abuzim seksual me fëmijë.

Pell u dënua me gjashtë vjet burgim në mars pasi u shpall fajtor për abuzim të dy djemve në Melbourne në vitin1990, raporton Reuters, transmeton KTV.

Ish-arkëtari i Vatikanit është kleriku katolik më i moshuar që është i dënuar për krime të tilla, por ai vazhdimisht ka insistuar në pafajësinë e tij.

Pasi humbi një apel të mëparshëm, Pell tani shpreson se çështja e tij do të dëgjohet nga Gjykata e lartë e Australisë. Sidoqoftë, nuk ka asnjë garanci që kjo Gjykatë do të pranojë ta rishikojë atë.

Dhjetorin e kaluar, një gjykatë e dënoi unanimisht klerikun katolik Pell për abuzime seksuale të djemve 13-vjeçarë brenda Katedrales së Shën Patrikut të Melbourne.