Një migrant është plagosur dhe dhjetëra të tjerë janë arrestuar pas përleshjes së tyre në qytetin serb në kufi me Hungarinë, ka njoftuar policia. Autoritetet kanë gjetur një 20-vjeçar të plagosur dy herë në gjoks pasi i janë përgjigjur thirrjeve për ndihmë nga banorët e qytetit Horgos, të cilët kanë raportuar për sulmet me armë të migrantëve. Në vendin e ngjarjes janë gjetur edhe gjashtë migrantë të tjerë.
Policia serbe ka nisur një aksion për arrestimin e gjithë personave të përfshirë në incident dhe në trafikimin e njerëzve. Në mediat serbe janë transmetuar pamjet e një grupi të madh të burrave të armatosur që kalonin nëpër qytet në drejtim të kufirit me Hungarinë.
Numri i migrantëve që synojnë kalimin në Evropën Perëndimore nëpërmjet Ballkanit është ngritur në muajt e fundit. Shumë prej tyre janë vendosur në kufi me Hungarinë dhe presin kalimin nga grupet e trafikimit.
-
Plagoset një person në Prizren
-
Një i plagosur në Vushtrri, shoqërohen në polici për intervistim katër të dyshuar
-
Dy persona u sulmuan mbrëmë në Prishtinë, njëri prej tyre dhe i dyshuari mbetën të plagosur
-
Katër të arrestuar në dy raste të ndara të kontrabandës me migrantë
-
Përleshje në Veternik, arrestohen dy të dyshuarit