Një mekanizëm i nivelit të lartë palestinez ka autorizuar Organizatën për Çlirimin e Palestinës (OCP) që ta anulojë njohjen e Izraelit dhe të ndalë koordinimin për sigurinë me Tel-Avivin.
Këshilli Qendror Palestinez (KQP) – mekanizëm i OÇP-së – ka bërë të ditur se duhet të tërhiqet njohja e Izraelit derisa Qeveria izraelite nuk e njeh shtetin e Palestinës me kufijtë e para vitit 1967 me Jerusalemin Lindor si kryeqytet, ka raportuar agjencia qeveritare palestineze e lajmeve.
Pas një takimi prej dy ditësh në Ramallah në Bregun e pushtuar Perëndimor, Këshilli ka thënë se OÇP-ja dhe Autoriteti Palestinez do t’i japin gjithashtu fund bashkëpunimit të sigurisë dhe të anulojnë marrëveshjet ekonomike të nënshkruara më 1994 me Protokollin Ekonomik të Parisit. Autoriteteve palestineze u është kërkuar të hiqet dorë edhe prej Marrëveshjes së Oslos.
Këshilli ka bërë të ditur se vendimi është marrë “në dritën e mohimit të vazhdueshëm të Izraelit të marrëveshjeve të nënshkruara”.
Vendimi duhet të aprovohet edhe nga presidenti palestinez, Mahmoud Abbas dhe Këshilli Ekzekutiv i OÇP-së.
-
Sanchez: Palestina duhet të bëhet anëtare e plotë e OKB-së
-
Franca dhe Belgjika pritet ta njohin sot shtetin palestinez
-
Portugalia konfirmon se do ta njohë shtetin palestinez
-
Belgjika do ta njohë shtetin e Palestinës në Asamblenë e Përgjithshme të OKB-së
-
SHBA-ja ia bllokon pjesëmarrjen në sesionin e OKB-së liderit palestinez