-
Përktheu:
Forca Jashari
- 4 qershor 2024 15:50
- Shpërndaje në:
Zyra e OKB-së për të drejtat e njeriut ka bërë thirrje të martën që t’i jepet fund dhunës së përshkallëzuar në Bregun e pushtuar Perëndimor, raporton “Reuters”.
Agjencia ka kritikuar Izraelin për vdekjen e 500 palestinezëve në Bregun Perëndimor që nga fillimi i luftës Izrael-Hamas në Gaza, duke thënë se Izraeli ka përdorur forcë të panevojshme në Bregun e pushtuar Perëndimor dhe ka dënuar mohimin sistematik të ofrimit të ndihmës mjekësore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDhuna është shtuar në Bregun Perëndimor që nga sulmi i udhëhequr nga Hamasi ndaj Izraelit më 7 tetor të vitit të kaluar, gjë që shkaktoi ofensivën ushtarake të Izraelit në Rripin e Gazës.
Forcat izraelite të sigurisë në muajt e fundit kanë goditur Bregun Perëndimor, të cilin palestinezët e duan si qendrën e një shteti të ardhshëm të pavarur së bashku me Gazën, dhe kanë bërë mijëra arrestime.
Zyrtarët izraelitë kanë thënë se ata po veprojnë për të parandaluar sulmet ndaj Izraelit.