Shifra zyrtare e të vdekurve në Britani të Madhe nga COVID-19 i është afruar 43 mijëshit, shkruan agjencia Reuters.
Shifrat e reja zyrtare për Anglinë dhe Uellsin kanë sjellë numrin total të vdekurve në së paku 42.900, siç njofton Reuters, ku përfshihen edhe të dhënat e publikuara në Skoci e Irlandë të Veriut, dhe po ashtu vdekjet e fundit në spitale në Angli.
Të dhënat të martën nga Zyra e Statistikave Nacionale po ashtu kanë treguar për gjendjen e rëndë në shtëpitë e shëndetit, që janë goditur veçanërisht rëndë nga virusi që ka shkaktuar vdekjen e rreth 318 mijë personave nëpër botë.
Vdekjet në shtëpitë e kujdesit nëpër Britani të Madhe kanë kaluar shifrën 10 mijë deri më 8 maj, siç kanë treguar të dhënat.
Një shifër aq e lartë e të vdekurve në Britani ka rritur presionin te kryeministri Boris Johnson, që është kritikuar për menaxhimin e situatës. Partitë opozitare thonë se ai ka qenë tepër i ngadalshëm në vendosjen e masave kufizuese, tepër i ngadalshëm për prezantimin e testimit në masë dhe tepër i ngadalshëm për të ofruar mjaftueshëm pajisje mbrojtëse për spitalet.
-
Britania shënon rekord të vdekurish nga COVID-19
-
Britania regjistron mbi 1700 të vdekur nga COVID-19 në 24 orët e fundit
-
Shifra e të vdekurve nga COVID-19 në Britani e kalon 100-mijëshin
-
Shkon në mbi 100.000 numri i vdekjeve në Britani si pasojë e COVID-19
-
563 të vdekur nga COVID-19 në Britani në 24 orët e fundit