Një person është qëlluar për vdekje me armë zjarri në Oregon, ndërsa një grup i madh i përkrahësve të presidentit të SHBA-së, Donald Trump, është përplasur me protestues të lëvizjes “Black Lives Matter”, shkruan BBC.
Në vend të ngjarjes janë parë ekipe të ndihmës së parë duke u munduar të shpëtojnë viktimën.
Policia nuk ka dhënë identitetin dhe po ashtu nuk ka specifikuar nëse ngjarja ishte e lidhur direkt me përleshjet që shpërthyen në qendër të qytetit.
Rrugët e Portlandit kanë qenë skenë e protestave të vazhdueshme në javët e fundit. Qyteti është bërë skenë e demonstratave kundër brutalitetit të policisë dhe racizmit, që kur policia kishte vrarë afro-amerikanin George Floyd në Minneapolis më 25 maj.
Forcat federale u dërguan në Portland nga presidenti i SHBA-së në korrik, në atë që ishte përshkruar si lëvizje për të parandaluar dhunën.
-
Në foto: Protestat në SHBA për vrasjen e George Floyd
-
Zgjerohen protestat në SHBA pas vrasjes së një gruaje nga agjenti i emigracionit
-
Sulm me armë në SHBA, të paktën një i vdekur dhe 24 të plagosur
-
Tre të vrarë nga të shtënat brenda një qendre tregtare në Oregon
-
Në përvjetorin e vdekjes së Floydit, familja e tij kërkon reforma në polici