Në parkingun afër qendrës së COVID-it në Napoli, në mëngjesin e sotëm është hapur një krater i madh dhe i thellë 20 metra.
Shembjes së madhe i ka paraprirë një eksplodim i madh, teksa është përcjell edhe me sirena të veturave që janë zhdukur në thellësi të kraterit, kanë bërë të ditur mediat italiane të premten.
Nën vendin e ngjarjes, sipas agjencisë Agi, janë zjarrfikësit, të cilët me ndihmën e qenve të trajnuar po shikojnë nëse ka edhe njerëz. Deri më tash nuk ka informacione për ndonjë person të zhdukur.
Krateri dhe shembja e dheut kanë dëmtuar kabllot e gypat, për çka është dashur të evakuohen pacientët me simptoma të lehta që ishin të vendosur në një ndërtesë aty afër.
Spitali qendror dhe qendra kryesore e COVID-it nuk kanë pësuar dëmtime dhe po vazhdojnë punën normalisht.
Autoritetet kanë përjashtuar mundësinë se shpërthimi ishte i qëllimshëm. Agjencia Agi thekson se gjatë ditëve të shkuara, në Napoli ka pasur reshje të mëdha të shiut.
Edhe
Dhjetra të lënduar pas shpërthimit në një pikë karburanti në Romë
#Italia | Un’esplosione all’ospedale del Mare di #Napoli ha aperto una grande voragine nel parcheggio. https://t.co/pReyD59RE3 pic.twitter.com/J0b3zdVuC1
— Atlantide (@Atlantide4world) January 8, 2021
