Një australiane përdhunohet nga një grup burrash në Paris

Policia franceze ka nisur hetimet pasi një grua australiane ka thënë se ishte përdhunuar nga pesë burra në qendër të Parisit.

25-vjeçarja u fut në një dyqan në distriktin Pigalle të shtunën me fustanin e shqyer.

Nuk ka të arrestuar ende, ndërsa prokurorët kanë konfirmuar se rasti po trajtohet si “përdhunim në grup”, raportoi BBC.

Sipas mediave lokale, pronarët e dyqanit e thirrën policinë sapo e panë gjendjen e gruas.

Gruaja është dërguar në spital për ekzaminim, teksa policia ka marrë edhe kamerat e sigurisë përreth vendit të ngjarjes për të gjetur të dyshuarit.